Festa ta' San Carlo Acuti għat‑tfal
Agħfas Hawn u Ikteb Artiklu int ukoll
Knisja Santa Marija ta' Ġesu', Rabat
2 min qari
Festa ta’ San Carlo Acutis fir-Rabat nhar il-Ġimgħa 9 ta’ Ottubru 2026
Il-Patrijiet Franġiskani tal-Knisja Santa Marija ta’ Ġesù fir-Rabat jistiednu lill-pubbliku għall-Festa ta’ San Carlo Acutis, li se tiġi ċċelebrata nhar il-Ġimgħa 9 ta’ Ottubru 2026 permezz ta’ programm reliġjuż u komunitarju għat-tfal u l-familji.
Ibqa' aġġornat/a bl-aħbarijiet il-ġodda bl-email.
Il-programm jibda fid-9:00a.m. b’Quddiesa għat-tfal tal-Iskola Primarja tar-Rabat.
Fil-5:30p.m. jitlaq korteo mill-Knisja u s-Santwarju tal-Madonna tas-Saħħa, bix-xbihat ta’ San Franġisk u San Carlo Acutis. Jieħdu sehem l-abbatini, it-tfal u t-tfal tas-Soċjetà tad-Duttrina Nisranija M.U.S.E.U.M. Il-korteo jgħaddi minn Triq l-Isptar, Triq il-Kbira u Triq San Pawl, u jintemm fil-Knisja Santa Marija ta’ Ġesù.
Fis-6:00p.m. tiġi ċċelebrata Quddiesa Solenni bil-prietka minn Patri Joseph Caruana O.F.M., Gwardjan tal-Knisja Santa Marija ta’ Ġesù. Fi tmiem il-Quddiesa tingħad it-Talba ta’ Interċessjoni lil San Carlo Acutis quddiem il-Bust Relikwarju.
Il-Quddiesa tkun animata mill-Kor tat-Tfal Father’s Angels tal-Parroċċa tal-Madonna tas-Sacro Cuor f’Tas-Sliema.
Il-Patrijiet Franġiskani jistiednu lit-tfal, lill-familji u lill-pubbliku sabiex jingħaqdu magħhom għal din iċ-ċelebrazzjoni ta’ fidi, komunità u ferħ f’ġieħ San Carlo Acutis.
Agħmel Il-Ġid, Ixxerja dan l-Artiklu...
“Morru fid-dinja kollha u xandru l-Bxara t-Tajba lill-ħolqien kollu.” — Ġesù Kristu